Ligjërata 226

Lidhur me karakterin kalimtar të kësaj bote dhe gjendjen e mjeruar të atyre që janë nëpër varre

Kjo shtëpi është e rrethuar me kóbe dhe njihet mirë si mashtruese. Gjendja e saj nuk është e qëndrueshme e banorët e saj nuk janë të sigurtë. Kushtet e saj ndryshojnë e rrugët e saj janë të rrëshqitshme. Jeta në të është e fëlliqur e nuk ofron as paqe e as prehje, po i qëllon njerëzit e saj me gjëmë dhe i shkatërron me vdekje.

Dijeni, o krijesa të Zotit: Ju e çdo gjë juaja nga kjo botë shkelni të njëjtat shtigje, ku ecën dhe ata që jetuan para jush. Shumë prej tyre jetu an shumë më tepër se ju, patën shtëpi me më shumë njerëz e lanë famë që eci më gjatë në kohë. Kurse sot zërat e tyre kanë heshtur, lëvizjet e tyre kanë ndaluar, trupat e tyre janë kalbur, shtëpitë e tyre janë shkre tuar, madje janë zhdukur dhe gjurmët e tyre e s’duken më gjëkundi. Pallatet e tyre të mrekullueshme, veshur me tapete të bollshme, u shdër ruan në varre të gurta apo vetëm prej plisash dheu, ose si shpella të gërryera nëpër faqe kodrash.

Shpeshherë i ngulin themelet mbi rrënoja e mbi varre të tjera, nga të cilat s’ka mbetur më shenjë, përveç dheut të njëjtë e të barabartë për të gjithë. Janë aty, ngjitur me njëri-tjetrin, duke qenë krejt të huaj për njëri-tjetrin, dhe rrinë aty, rrethuar nga njerëzit e tyre, e prapë ndihen si të ishin krejt të vetmuar; dhe ende janë në alarm e mendje ngritur1674, megjithëse u liruan nga puna e jeta.

S’ka më dashuri për dheun që i rriti, as kontakte me fqinjët e miqtë e vjetër, ndonëse tani ndajnë të njëjtin vend për banim. E si mund ta takojnë njëri-tjetrin, kur kalbja i ka bluar me nofullat e saj dhe gurët e dheu i kanë bërë gurë e dhé?

 Pa mendojeni veten sikur shkuat edhe ju aty, ku kanë shkuar ata, në po atë vend të gjumit të përjetshëm, që ndryn edhe ata, e në po atë dhé që i ha dhe ata. Ku do ta gjeni veten, kur filli juaj të jetë sosur e varret të kthehen përmbys për të vjellur jashtë ata që kanë në bark? “Aty do ta kuptojë çdo shpirt çfarë kishte nisur përpara për vete e do të merret mbrapsht tek Allahu, Zoti i tyre i vërtetë. Gjithçka që ata fanta zuan, do zhduket prej tyre.” (Kur’ani, 10:30).